إصدارات دار حاملة المسك
   


إعلانات جامعية

العودة   الجامعة العالمية للقرءان والسنة والقراءات العشر > قسم براعم الجامعة > قسم العلوم الشرعية > محاضرات تمهيدي
التسجيل التعليمات التقويم البحث مشاركات اليوم اجعل جميع المنتديات مقروءة

رد
 
أدوات الموضوع طرق مشاهدة الموضوع
قديم يوم أمس, 11:49 PM   #11
مشرفة البراعم
طالبة علم بهمــة
 
تاريخ التسجيل: 01 2018
المشاركات: 62
افتراضي رد: تفريغ محاضرات العلوم الشرعية الفصل الدراسى الثانى

بسم الله الرحمن الرحيم

المحاضرة العاشرة
14/11/2018
🌸🌸🌸🌸🌸


عن أبي هريرة رضي الله عنه، عن رسول الله صلى الله عليه وسلم قال: «من كان يؤمن بالله واليوم الآخر، فليقل خيرًا أو ليصمت، ومن كان يؤمن بالله واليوم الآخر، فليكرم جاره، ومن كان يؤمن بالله واليوم الآخر، فليكرم ضيفه» (رواه البخاري، ومسلم).

🌸🌸🌸

🌸🌸🌸


يعني إيه يا معلمتي من كان يؤمن بالله واليوم الاخر يعني الانسان اللي بيؤمن بربنا سبحانه وتعالى هو اللي خلقنا وهو اللي رزقنا وإن ربنا سبحانه وتعالى هيحاسبنا علي كل حاجه بنعملها وهو وحده اللي مستحق العبادة لان لا اله الا الله يعني مش بنعبد إلا ربنا وحده ويعني إيه واليوم الأخر يعني اخر يوم هو يوم القيامة مؤمن إن في يوم قيامة اليوم اللي ربنا سبحانه وتعالى هيوزن لنا الحسنات والسيئات وإن اللي عنده حسنات كتير هيدخل الجنة واللي مش عنده حسنات كتير ممكن ميدخلش الجنة طيب لو أنا بحب ربنا ومؤمنه بربنا ومؤمنة إن في يوم قيامة هيتوزن فيه الحسنات والسيئات اللي هيحصل ؟

هعمل إيه؟ هعمل إيه بقه في الحديث تلات حاجات
🌸🌸🌸🌸🌸


1- فليقل خيرا أو ليصمت ---- إيه ده هو في كلام خير حلو يعني وكلام شر وحش اه طبعا فيه كلام حلو وكلام وحش

طيب فليقل خيرا يعني إيه ........ يقول الخير يعني يقول كلمة طيبة فكرين الحديث الكلمة الطيبة صدقة يعني هنا أنتوا لو هتتكلموا يا حلوين بكلمة خير قولوها طيب زي إيه أي كلمة حلوه زي مثلا تقولي لمامتك أنا بحبك لما بابا يجي من الشغل أنت وحشتني أو أقول لأختي أنتي شكلك جميل أوي أو أقول لصاحبتي أنتِ يا صاحبتي اللي بحبها جدا يبقى لما أقول كلام خير يبقى بقول كلام حلو أخذ عليه حسنات

فليقل خيراااا أو ليصمت يعني بيقولك لو أنت مش هتقول خير يبقى ما تتكلميش وتقعدي ساكتة أحسن

علشان تاخذى حسنات إن أنت مش بتقولي كلام وحش

طيب لو الشيطان جه يقول أشتمي وقولي كلام وحش أعمل إيه أروح أفكر الكلمة هأخد بيها حسنة ولا سيئه لو هاخد سيئة يبقى أسكت ولو أنا سكت يبقى هأخد حسنة

زي مثلا أنتي صحبتك في المدرسة شتمتك وأنتي تقدري تردي عليها الشتيمة زي ما هي شتمتك بس أنتي هتقولي لا الرسول صلى الله عليه وسلم قال: فليقل خيرا أو ليصمت يبقى أنا مش هشتمها زي ما هي شتمتني علشان أنا مردش عليها الشتيمة أخذ حسنات

مش أحنا أتفقنا إن أحنا عايشين في الدنيا دي علشان نجمع حسنات كتيرة أوي علشان نقابل ربنا يوم القيامة عندنا حسنات كتيرة تتوزن ندخل الجنة ؟ فأي حاجه ممكن أخذ منها حسنة أو طول اليوم افضل أفكر يا ترى أنا أخدت حسنة من إيه ؟ أنا لو عملت الواجب أخدت حسنة لو سمعت كلام ماما أخذت حسنة لو روقت سريري أخذت حسنة لو حد طلب كوباية ماية وأديتهالوه أخذت حسنة فانا طول اليوم أقعد أفكر إزاي أجمع حسنات كتير وأبقى فرحانة أوي إن عندي حسنات كتير تتوزن

يبقى الحديث ده بيعلمنا قبل ما نتكلم الكلمة نفكر يا ترى دي كلمة حلوة أقولها ولا كلمة وحشة أسكت عنها

طيب ساعات أنا غصب عني او الشيطان خلاني أقول كلام وحش أعمل إيه؟ علطول أستغفر الله عزوجل

يعني أقول بعدها علطول أستغفر الله وأتوب إليه الشيطان هيقعد بقه مضايق أوي ليه مضايق أصله هو دلوقتي قاعد يوسوسلك إنك تقولي كلام وحش وأنتي سمعتي كلامه ولما قولتي أستغفر الله السيئات إتمسحت اول ما قولتي أستغفر الله السيئة اللي عملتيها إتمسحت فالشيطان هيقعد متغاظ بقه انا قاعدت أعمل خطط وأقولها قولي كذا وإعملي كذا وبعد كده هي تقول استغفر الله وربنا يسامحها والملائكة ما يكتبوش السيئة اللي هي عملتها طبعا بيبقى مضايق

يبقى الحديث ده بيعلمنا قبل ما نتكلم الكلمة نفكر يا ترى دي كلمة حلوة اقولها ولا كلمة وحشة اسكت عنها ومش هقولها ماشي

وايه كمان " ومن كان يؤمن بالله واليوم الاخر فليكرم جاره " يعني ايه فليكرم جاره ؟ اكرام الجار اني مئذهوش ازاي يعني مثلا مأقفش في البلكونة وهما ناشرين غسيل واجيب ماية وادلقها علي الغسيل بتاعهم او اروح اجيب سلة المهملات الباسكت واحطها اقدام الباب بتاعهم يبقى انا كدة اذتهم او مثلا افضل اتنطط في الشقة والجيران عايزين يناموا وحد من الجيران يجي يقول لمامتك لو سمحتي خلي الأولاد ميتنطوطش فتقومي رده عليه وتقولي هما مالهم احنا بنجري في بيتنا احنا بنجري في بيتهم يبقى كده انتي ما اخذتيش حسنة علشان ربنا قالنا لازم منئذيش الجار ومنضايقهوش عارفين جبريل عليه السلام مين فاكرين لما قولنا انه بينزل بالوحي علي النبي صلى الله عليه وسلم ويعلمه القرآن من عند ربنا فكان جبريل عليه السلام بيقول للنبي صلى الله عليه وسلم خلي بالك من جارك خلي بالك من جارك لحد لما النبي صلى الله عليه وسلم قال ما زال جبريل يوصيني بالجار حتى ظننت انه سيورثه يعني ما كتر ما بيوصيه عليه قال ياه ده انا ظننت انه سيورثه يبقى الجار ده ليه حق كبير قوي يبقى انا مش هأذي جيراني وكمان هكرمهم ازاي اني كل شوية أروح أزورهم لو حد عيان أو ماما عملت جاتوه او كيكة او اكلة حلوة اقولها ايه رايك يا ماما تيجي نروح نزور حد من جيرانا وناخد طبق حاجه حلوة من اللي احنا عاملينها ونطمن عليهم علشان النبي صلى الله عليه وسلم وصانا بيهم ومينفعش نبقى قاعدين معاهم في البيت ومنعرفش مين اللي تعبان ومين اللي جراله حاجة مينفعش يبقى لازم كل فترة ازورهم واطمن عليهم طيب يبقى ايه " من كان يؤمن بالله واليوم الاخر فليكرم جاره " يكرمه إزاي يسئل عليه ويقف جنبه لو هو محتاجه وميئذهوش في أي حاجة

يبقى ايه " من كان يؤمن بالله واليوم الاخر فليكرم جاره " بردو اكرام الضيف اني اعمله كويس ومئذهوش طيب ازاي مئذهوش في مثلا ضيف جيه عندي وقعد يوم او اثنين اقعد أقول لا ده أولادهم اخدو مني اللعب اللي بلعب بيها واقعد اضرب الأولاد الضيوف اللي جايلني أمسكهم أضربهم أو مثلا مثلا ماما طلعت الاكل اللي عندنا اديتهلهم عندنا جاتوه اديتهلهم عندنا عصير اديتهلهم وحاجة صاقعة وكلوا فانا اقعد زعلانة وأقول ليه يجوا ياكلو الاكل بتاعنا هما ليه ياخدوا الاكل بتاعنا انتي ليه تديهم الاكل بتاعنا طبعا ده مينفعش علشان احنا لازم نكرم الضيوم بتوعنا حتى لو اخر حاجة عندنا في البيت نديها للضيف علشان ناخد حسنات علشان ربنا سبحانه وتعالى أمرنا ان احنا نكرم الضيف يبقى أنا اكرمه اني أعمله كويس واحسسه اني مبسوطة انه جيه ولو في حد من أولادهم عايز يلعب بلعبتي العبه بس لو عايز يكسرها اروح أقول لطنط يا طنط ده هيكسرلي اللعبة بتاعتي فهي هتشيلها منهم وانا مضربهمش وكده

يبقى اكرام الضيف اني انا اعمله حلو واكرمه واقدمله الحجات اللي عندي ومباقش زعلانه انهما كلوا الاكل اللي عندنا وايه كمان ومئذهومش اننا اقعد اعلي صوتي او اضرب في الأولاد بتاعتهم او اقعد أقول لماما هما كلو الاكل بتاعنا كله قدامهم انا عايز عصير انا مش عارف ايه

انتو عارفين نبي الله إبراهيم عليه السلام فاكرين لما حكينا قصة إبراهيم وإسماعيل في بناء الكعبة

عارفين إبراهيم عليه السلام جاله ضيوف عارفين عمل ايه ؟ راح جاب عجل سمين عجل تخين اوي راح ذبحه علشان يدي للضيوف ياكلوا عجل عنده تخين وفي لحم كتير راح ذبحه علشان الضيف وعارفين النبى صلى الله عليه وسلم فاكرين لما شاف جبريل عليه السلام وراح للسيدة خديجة وقعد يقول زملوني زملوني وكان خائف فقالت له ايه لن يخزيك الله ابدا يا محمد ليه ؟ قالتله جات كتير اوي ومن ضمنها ان انت بتكرم الضيف

يبقى الانسان اللي بيكرم الضيف ربنا بيجعله لما يقع في أي مازق ربنا بينجيه منه وربنا مبيخليش أي حاجه وحشة تجيلوه علشان هو بيكرم الضيف

شوفه اكرام الضيف ليه اجر كبير قوي وهناخد منه حسنات كتير قوي

يبقى الحديث بيقولنا ايه

"فليقل خيرا اول ليصمت " أفكر في الكلمة قبل ما أقولها الكلمة دي خير اقولها ولا كلمة شر أسكت عنها طيب أنا لو معرفتش اسكت عنها والشيطان وسوسلي وقولتها استغفر ربنا بعدها

"فليكرم جاره" اعامل جيراني كويس ومضيقهمش ومقعدش ادبب عليهم وكده

" فليكرم ضيفه " ان انا اقدم لضيوفي الاكل الحلو ومضربش أولادهم

يبقى عن أبي هريرة رضي الله عنه قال : قال رسول الله صلى الله عليه وسلم : " من كان يؤمن بالله واليوم الأخر فليقل خيرا أو ليصمت ومن كان يؤمن بالله واليوم الأخر فليكرم جاره ومن كان يؤمن بالله واليوم الاخر فليكرم ضيفه "
مشرفة البراعم est déconnecté   رد مع اقتباس
رد

أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى


جميع الأوقات بتوقيت GMT +3. الساعة الآن 11:05 PM.


Powered by vBulletin® Version 3.8.4,
Copyright ©2000 - 2018, Jelsoft Enterprises Ltd
جميع الحقوق محفوظة لـ الجامعة العالمية للقرءان والسنة والقراءات